МЕКТЕП ТАРИХЫ

МЕКТЕП ТАРИХЫ

      Тарихы терең, келешегі кемел білім ордасы алғаш рет 1946 жылы  киелі «Қызыладыр» жерінде «Қазақстан темір жолы» мекемесіне қарасты «№331 бастауыш мектебі» болып ашылған. Білім ордасының алғашқы меңгерушісі Светлана Веракулина болды, 1962 жылдан 1993 жылға дейінгі аралықта мектепті Шәріпхан Жаңабаев басқарды. Мектеп 1993 жылы «Алматы темір жолы» мекемесіне қарасты «№23 негізгі мектеп», 1996 жылы Жамбыл облысының Жамбыл аудандық білім бөліміне қарасты «Шөлдала негізгі мектебі», 1997 жылы «Шөлдала орта мектебі», 2012 жылы «Тараз қаласы әкімдігінің білім бөлімінің №55 орта мектебі» коммуналдық мемлекеттік мекемесі болып қайта құрылған. Мекемені қайта құру кезеңдерінде 1993-1997 жылдары және одан кейінгі 2008-2020 жылдар аралығында Дәулетхан Еділбекұлы Тохметов, 2002-2008 жылдар аралығында Нұрсұлу Әбітбекқызы Байтелиева басқарды. 

Елбасы Нұрсұлтан Әбішұлы Назарбаевтың «100 мектеп, 100 аурухана» мемлекеттік бағдарламасы аясында 2009 жылғы                               10 желтоқсанда 600 оқушыға арналған ғимарат пайдалануға беріліп, мектеп аталған жаңа ғимаратқа көшірілді. 

        Мектеп 2009 жылы облыстың экологиялық тірек мектептері тізіміне  енгізілген. 

«Шөлдала» шағын ауданындағы мектеп білім беретін мекеме ғана болып қоймай, ұзақ жылдар бойына мәдениет орталығы ретінде де пайдаланылды. Мектеп ашылғаннан бері көптеген шәкірттер білім нәрімен сусындап, қазіргі уақытта еліміздің әртүрлі салаларында жемісті еңбек етуде. Соңғы үш оқу жылында мектептен 5 «Алтын белгі», 2 үздік аттестат иегерлері түлеп ұшты.

«Мектеп - білім тірегі, ұстаз - оның жүрегі» - демекші, мектептен түлеп ұшқан 30 түлек ұстаздық қызметті таңдап, қазіргі таңда білім саласында жемісті еңбек етіп жүр.

МЕКТЕП ТӨЛҚҰЖАТЫ